Iturria: Anboto

18 eta 45 urte bitarteko hogei emakume, zaintza lanetan dabiltzanak, euskara ikasten dabiltza Elorrion, udalari eta AEKri esker. Senegaletik, Boliviatik, Eduadorretik, Marokotik, Aljeriatik eta Errumaniatik Elorriora etorritako emakumeek euskarara hurbiltzea dute helburu.  

AISA ikastaroek 60 orduko iraupena dute, baina antolatzaileek azaldu dutenez, ondoren euskaltegian jarraitzea da emakumeen aukeretako bat. "Hurbilpen ikastaroa amaitzean euskaltegian bertan geratzea izango litzateke helburua, horrela euskalduntze-prozesuarekin jarraitu dezakete", azaldu du Izaskun Gisasola AEK-ko kideak.  

Gehiago irakurri

Iturria: Naiz

Euskara ikastea B2 mailara arte doakoa da dagoeneko Euskal Autonomia Erkidegoko (EAE) euskaltegi guztietan, Lakuako Gobernuaren, Arabako, Bizkaiko eta Gipuzkoako Aldundien eta Eudelen arteko elkarlanari esker. B2 maila arteko doakotasuna lortu ahal izateko herri erakunde bakoitzak ekarpen ezberdinak egingo ditu, denen artean 3.928.000 euro jarriz. 

Gehiago irakurri

Bidelagun berrien bila dabil Durangaldeko Berbalagun, izan ere, Bidelarien prozesua modu egokian garatzeko, ezinbestekoa da euskaldunak direnak ere egitasmoan inplikatzea. Hori horrela, parte-hartzera animatu nahi ditu Berbalagunek.

Asko dira Bidelaguna izatearen onurak: 

• Bidelariei euskara praktikatzeko aukera eta euskal komunitatean murgiltzeko bideak eskaintzea
• Eskualdeko euskararen normalizazio prozesuan eragile aktiboa izatea
• Lagun berriak egitea
• Durangaldeko Berbalagunek antolatzen dituen ekintza osagarrietan parte hartu eta bestelako abantailez gozatzea

Harremanetarako: durangaldea@aek.eus / 639 400 786

Gehiago irakurri

Iturria: Anboto

Ikerketaren bidez, Garaiko etxe, baserri, mendi, bide, erreka eta auzoen izendegia "jaso, zaindu eta normalizatu" gura du udalak. Izan ere, indarrean dagoen toponimia-mapa 2008ko da. "Zenbait akats ditu", eta ondorioz, "zaharkituta" gelditu da udal iturrien esanetan. 

Bekarako baldintzak Garaiko Udalaren web orrian zein Bizkaiko Aldizkari Ofizialean ipiniko dituzte kontsultagai, besteak beste. 

Gehiago irakurri

Iturria: Euskaltzaleen Topagunea

2020ko otsailaren 6an izango da Topaldiaren edizio berria, Bilboko EHUren Bizkaia Aretoan. Oraingoan, antolakuntza ereduen inguruko gogoetak ardaztuko du jardunaldia, eta helburu bikoitza dakar: alde batetik, euskaltzale autoeratuen tokian tokiko antolakuntza ereduak ezagutzeko abagunea eskainiko du; beste alde batetik, etorkizunera begira baliozkoak izan daitezkeen ereduen inguruan elkarrekin pentsatzeko espazioa sortzea du asmo. 

Urtarrilaren 31ra arte edo aretoko edukiera betetzen den arte egongo da zabalik Topaldian izen emateko aukera. 

Gehiago irakurri

Iturria: Katalamixon Aisialdi Elkartea

Abadiñoko Katalamixon Aisialdi Elkarteak udaleku itxiak antolatuko ditu aurtengo udan. Uztailaren 18tik 28ra izango dira, Albeizen (Arabako Lautada). 

Izena emateko epea otsailaren 14an zabalduko da: egun horretan Katalamixonen Pino Plazako lokalean egongo da apuntatzeko aukera arratsaldeko 17:00etatik 19:00etara bitartean; otsailaren 15etik aurrera berriz, izen ematea email bidez egin beharko da. 

 

 

Gehiago irakurri

Iturria: Anboto

Atzerritik Iurretara lehenengoz datozen herritarrei harrera egiteko liburuxka kaleratu du udalak. Herriari eta eskaintzen diren zerbitzuei buruzko informazioa batzen du argitalpenak, euskara erabiliz lehen hizkuntza moduan. 

Gaztelaniaz ere jaso dute baliogarria izan daitekeen informazioa, eta, Iurretan erreferente diren jatorrizko hizkuntzei ere eman zaie lekua: frantsesa, ingelesa, arabiera eta errumaniera.

 

Gehiago irakurri

Iturria: Anboto 

2020ko azaroaren 20tik abenduaren 4ra bitartean izango da Euskaraldiaren bigarren edizioa. Honen inguruko azalpenak eman eta Durangoko Herri Batzordea martxan ipintzeko deitu dute batzarra. 

Hitzordua datorren urtarrilaren 28an izango da, arratsaldeko 19:00etan, Pinondon. Laguntza eskaini edo parte hartzeko prest dauden durangarrak gobidatu dituzte bilera ireki honetara, aurtengo Euskaraldiko batzordea osatu eta lanean hasteko.  

 

 

 

 

 

Gehiago irakurri

Iturria: Durangaldeko Berbalagun

Durangaldeko Berbalagunek, lotsa eta konplexuak alde batera utziz, euskaraz bizi ahal izateko bideak eraikitzen jarraitzea opa dio 2020. urteari. 

Horretarako, hainbat ekintza eta aukeraz jositako programazioa prestatu du datozen hilabeteetarako:

- Astero elkartzen diren Berbalagun taldeak

- Mendilagun egitasmoa

- Irakurzale klubak Durangon eta Berrizen

- Kanpo-ekintzak: sukaldaritza tailerrak, irteerak, ikuskizunak...

- Praktikatu txartelarekin %50eko deskontua Elorrioko Arriola Antzokian eta Durangoko San Agustin Kultur-gunean euskarazko emanaldietan

Gehiago irakurri

Iturria: Mañariako Udala

Mañariko Udalak, Katalamixon Aisialdi Elkartearekin batera, "Gaztion Zeresana, Mañariko Gaztion aisialdi proiektua" jarriko du martxan aurten. Egitasmoa urtarriletik abendura bitartean egingo da, eta hilean ekintza bat proposatuko da, 10 eta 16 urte bitarteko gaztetxoei zuzendutakoa. Era berean, parte-hartze soziala bultzatu asmoz, 14 eta 16 urte bitarteko gazteek laguntzaile moduan jardun ahalko dute, beti ere, hezitzaileekin batera. 

Lehenengo hitzordua datorren urtarrilaren 26an izango da, goizeko 11:00etan. 

Gehiago irakurri